Irgetasy ótken jyly qalanǵan tarıhı sáýlet úlgisindegi monsha Qyzylorda oblysynyń Túrkistanǵa tartýy. Tarıhı qalanyń kelbetine kórik beretin shyǵys monshasynyń jalpy aýmaǵy 3000 sharshy metrden asady.
Túrkistan oblysynyń ákimi О́mirzaq Shókeev búgin shahardaǵy Bekzat Sattarhanov dańǵylynyń boıynda salynyp jatqan jelilik saıabaqtaǵy jumys barysyn tekserdi. Jasyl jelekke oranǵan jelilik baqta demalys aýmaqtary men salt-dástúrimizdi dáripteıtin sáýlet úlgileri ornatylǵan. «Parasat» saıabaǵy da erekshe kelbetimen saıaly baqqa aınalyp keledi. Qaıta jańartý jumystary aıasynda demalys ornynda jasandy kól men kópirler jáne 420 metr aryq salynýda.
Osylaısha sý saıabaqty ylǵaldandyryp, qaıta «Arys-Túrkistan» kanalyna jiberiledi.
Al, «Túrkistan-Kentaý» baǵytyndaǵy joldyń eki shetindegi aryqtyń bir bóligi «Parasatty» sýmen qamtysa, ekinshi bóligimen jol boıyndaǵy jasyl jelek sýǵarylady.