Qalalyq avtobýs marshrýttary 21 mamyrdan bastap saǵat 21:00-ge deıin jumys isteıtin bolady. Bul rette jolaýshylar betperde taǵý jáne áleýmettik araqashyqtyqty saqtaý sııaqty sanıtarlyq normalardy qatań saqtaǵan jaǵdaıda ǵana qoǵamdyq kólikpen qatynaı alady. Sondaı-aq avtobýs salonyndaǵy jolaýshylar sany otyratyn oryndardyń sanynan aspaýy tıis.
Qala avtoparkteriniń ókilderi atap ótkendeı, eger barlyq oryndar bos emes bolsa, jolaýshylar kelesi avtobýsty kútýi qajet.
Jolaýshylar aǵynynyń aıtarlyqtaı azaıýyna qaramastan, qala turǵyndarynyń yńǵaılylyǵy men kútý aralyǵyn qysqartý úshin qazir avtobýstardyń 90%-y jolǵa shyǵarylǵan. Sondaı-aq jolaýshylar aǵynynyń ulǵaıýy baıqalǵan baǵyttarda jyljymaly birlikter sany artqan.
Sonymen qatar sanıtarlyq normalardyń saqtalýyna jolaýshylardyń ózderi jaýapty ekenin atap ótken jón. SES qyzmetkerleri quqyq qorǵaý organdarymen birlesip qoǵamdyq kólikte tekserýler uıymdastyratyn bolady.
Esterińizge sala keteıik, qala mańy marshrýttarynyń jumysyn qalpyna keltirý ázirge josparda joq.