Maqtaaral aýdanyndaǵy topan sýdan zardap shekken aımaqtardy qalpyna keltirý jumystary kóktemgi dala jumystaryn nátıjeli júrgizý isine kedergi keltirip otyrǵan joq. Qazirdiń ózinde myrzashóldik sharýalar 60 myń 926 gektar egistik alqapqa túrli daqyldar otyrǵyzý jumystaryn júrgizýde.
Bul týraly aýdandyq aýyl sharýashylyǵy bóliminiń basshysy Ǵalym Dúısenbekov málimdedi. Topan sý basqan 5 aýylda josparly jumystar júıeli júzege asýda. Búginge deıin aýdanda 1689 gektarǵa dándi jáne burshaqty daqyldar, 42043 gektarǵa maqta, 9893 gektarǵa kartop, kókónis jáne baqsha daqyldary, 1620 gektarǵa mal azyqtyq, 449 gektar aýmaqqa kúrish daqyldary otyrǵyzylǵan. «Aýdanda árbir gektardan túsetin ónim kólemin ulǵaıtý maqsatynda bir jerden eki ret ónim alý jumysy tıimdi júzege asyp otyr. Bıyldyń ózinde aýdanymyzda 84 sharýa qojalyǵy 349 gektar egistik alqapqa erte pisetin qyryqqabat daqylyn egip, jınalǵan 5721 tonna ónimin elimizdiń ózge aýmaqtary men TMD elderine eksporttaý jumystaryn júrgizýde. Atalǵan 84 shaýra qojalyǵynyń 10-y birinshi ónimin jınap, ekinshi ónimge baqsha daqyldaryn egý jumystaryn júrgizýde», - deıdi Ǵalym Myrzahanuly.
Sondaı-aq bólim basshysy maqtaaraldyq dıqandardyń «Qoldau.kz» saıty arqyly memlekettik járdemderdi (sýbsıdııalardy) alyp jatqanyn aıtyp ótti. Jeńildetilgen baǵamen 20 myń tonna mıneraldy tyńaıtqysh úlestirilgen. Kóktemgi dala jumystaryn júrgizý úshin 4160 myń tonnaǵa jýyq janar-jaǵar maı bólinip, onyń 1335 tonnasy sharýalarǵa taratylǵan.
Túrkistan oblysy