Memleket basshysy Nursultan Nazarbaev Monako knıazdigine resmı sapary aıasynda jetekshi ınfraqurylymdyq kompanııalar basshylarymen kezdesý ótkizdi. Bul týraly Aqorda. kz habarlady.
Kezdesýge Swissport International kompanııasynyń prezıdenti, basqarma tóraǵasy P.Ýtnegard pen Flughafen Zurich AG kompanııasynyń qarjy jónindegi vıse-prezıdenti D.Shmýkkı qatysty.
Áńgimelesý barysynda eýrazııalyq kólik ınfraqurylymy máseleleri, sondaı-aq Qazaqstan áýejaılaryn damytý jáne olardy halyqaralyq standarttarǵa sáıkestendirý salasyndaǵy yntymaqtastyqtyń keleshegi talqylandy.
Kezdesý aıasynda áýejaılar jelisin basqarý jóninde birlesken kásiporyn qurý jóninde memorandýmdarǵa qol qoıý týraly kelisimge qol jetkizildi.
Swissport International – jerústi qyzmetin usynatyn, 38 eldiń 192 áýejaıymen baılanys jasaıtyn álemdegi jetekshi kompanııa.
Flughafen Zurich AG – Sıýrıh qalasy áýejaıynyń ıesi ári operatory, sondaı-aq búkil álemniń ózge de 10 áýejaıyn basqarýǵa qatysady.