Jýyrda ózbekstandyq halyqaralyq jýrnalıst Berdııor Jýmaev О́zbekstannyń bas gazeti sanalatyn «Halq sўzı» («Halyq sózi») basylymyn el gazeti «Egemen Qazaqstan»-men salystyra otyryp, júz jyldyq tarıhy bar qazaq baspasóziniń qara shańyraǵynan ózbek tarapynyń úıreneri kóp ekenin jazdy.
О́zbekstandyq jýrnalıst: «Qazaq baýyrlarymyzdyń bizdiń «Halq sўzı» gazetine uqsas «Egemen Qazaqstan» gazetiniń tarıhymen burynnan tanyspyn. Atalǵan basylym negizinen resmı memlekettik BAQ bolsa da, gazettiń kez kelgen betin paraqtasańyz, qyzyqty ári maǵynaly maqalalarmen tanysasyz. Sonymen qatar synı, taldaý, zertteý maqalalary oryn-ornymen jarııalanyp, tarıh, mádenıet pen rýhanııat, shyǵarmashylyq, óner salalaryndaǵy, sondaı-aq kún tártibindegi ózekti máselelerdi sheshýde laıyqty ról atqarady», dep atap kórsetken.
B.Jýmaev Qazaqstan halqy О́zbekstanǵa qaraǵanda eki ese az bolsa da, «Egemen Qazaqstan» gazetiniń oqyrmandar sany «Halq sўzı»-nen 3 ese kóp ekenine tańdanysyn bildiripti.
«Endi ózińiz salystyryp kórińiz: sońǵy málimet boıynsha 34 mıllıon turǵyny bar О́zbekstan Respýblıkasynyń «bas gazeti» sanalatyn «Halq sўzı» basylymynyń jazylýshylar sany 60 myń adam. Turǵyn sany 2 ese az Qazaqstan Respýblıkasynyń bas basylymy «Egemen Qazaqstan» gazetiniń qazirgi tańda 185 720 jazylýshysy bar», dep jazady jýrnalıst.
Eki eldiń bas basylymynda eńbek etetin shyǵarmashylyq ujym men gazettiń bet sanyn salystyrǵan halyqaralyq jýrnalıst «Egemen Qazaqstan» gazetinde nebári 100-ge jýyq shyǵarmashylyq qyzmetker jumys istese de, jumys aýqymy «Halq sўzı»-nen eki-úsh esege kóptigine nazar aýdarǵan. «Aptasyna bes ret tolyq túrli-tústi bolyp jaryq kóretin basylymnyń ár kúngi sany keminde 8, kóbine 10-12 bet jáne 16 bet bolyp shyǵady. «Halq sўzı» gazetine qaraǵanda «Egemen Qazaqstan»-nyń bet sany eki, úsh, tipti tórt ese kóp ekenin baıqaýǵa bolady. Bul tek baspa tabaq sanyn esepke almaǵandaǵy aıyrmashylyq», deıdi avtor.