Túrkistan oblysynyń Syrdarııa ózeni arnasyna jaqyn ornalasqan Arys qalasy, Otyrar jáne Shardara aýdandarynyń turǵyndaryna shybyn-shirkeı jyldar boıy japa shegip kelgen bolatyn. Dárigerlerdiń derekterine júginsek, sońǵy 3 jylda 1102 adam deneleri bórtip medısına qyzmetkerlerine shaǵymdanǵan. Osy jáıtterdi eskergen sala mamandary aýyl aımaqtarda zııankesterdiń kózin joıyp, halyqqa qolaıly jaǵdaı jasaýdy qolǵa alyp otyr.
Iаǵnı Syrdarııa ózeniniń boıy men Kóksaraı sý rettegish qoımasynyń mańy alǵash ret shybyn-shirkeıden tazartylýda. Sý arnalarynyń aınalasy túgeldeı derlik dárilenip jatyr. Arnaıy mamandar zııankesterge qarsy bakterııalyq preparatty sýǵa quıyp, jaǵalaýǵa shashý ádisimen ýlaýda. Dárilik zattardyń aǵyn sýǵa zııany joq. Búginde Sútkent eldi mekeninen Baıyrqumǵa deıin ózen jaǵalaýy men sý qoımasynyń mańynda ornalasqan aýyldar men demalys aýmaqtarynda uzaqtyǵy 30 shaqyrym jer zalalsyzdandyryldy.
Túrkistan oblystyq energetıka jáne turǵyn úı kommýnaldy sharýashylyq basqarmasynyń málimetinshe, atqarylǵan sharalardyń nátıjesinde dernásilder 80% - ǵa azaıǵan. Al, Syrdarııa ózeni men Kóksaraı sý rettegish qoımasyna qosylý kanalynyń bastaýy tolyǵymen tazartylǵan.