Memleket basshysy Qasym-Jomart Toqaevtyń Tótenshe jaǵdaı rejımin qamtamasyz etý jónindegi memlekettik komıssııanyń qorytyndy otyrysynda Úkimetke Bıologııalyq qaýipsizdik keńesin qurýdy tapsyrdy. Al atalǵan keńeske kimder múshe bolmaq? Bul suraqqa Bilim jáne ǵylym mınıstri Ashat Aımaǵambetov onlaın rejimde ótken baspasóz konferensııasynda jaýap berdi.
«Aldaǵy ýaqytta qurylatyn keńes quramyna elimizge tanymal ǵalymdar men sarapshylar kiredi. О́zderińiz biletindeı, bizde bıologııalyq qaýipsizdikke qatysty jalpy 13 mekeme bar. Álbette eń aldymen osy mekemelerdiń ókilderi tartylady. Budan bólek atalǵan máselege jaýapty Bilim jáne ǵylym mınıstrligi, Densaýlyq mınıstrligi sekildi tıisti memlekettik vedomstvonyń mamandary da keńeske múshe bolady. Qazir Keńes músheleriniń naqty tizimi ázirlenip jatyr. Jaqynda sheshim qabyldanady», dedi mınıstr.