Oblystyq Tótenshe jaǵdaılar departamentiniń málimetinshe, jaz bastalǵaly órt oqıǵalary kóbeıýýde. Sondyqtan, departament basshysy Azamattyq qorǵaý polkovnıgi Ernur О́tegenov pen «О́rt sóndirý jáne avarııalyq-qutqarý jumystary qyzmeti» MM bastyǵy Súleımen Bımaǵambetovpen oblys ortalyǵynda ornalasqan órt sóndirý bólimderiniń daıyndyǵyn tekserýde.
Qaladaǵy Moskva kóshesi 56-da ornalasqan № 4, Gagarın kóshesi 65-te ornalasqan № 3 órt sóndirý bólimderindegi órt sóndirý tehnıkasynyń jaı-kúıin, qajetti quraldarmen jabdyqtalýyn jáne órt sóndirý bóliminiń jeke quramynyń arnaıy kıimmen jabdyqtalýyn tekserdi.
№ 4 órt sóndirý bóliminiń bastyǵy Dastan Ábýqumarovtyń aıtýynsha, órt sóndirý bóliminde 4 avtosısterna, 1 órt sóndirý stansasy, 1 órt sóndirgish qubyry bar kólik, 1 motopompa, 1 sorǵy qubyrymen jabdyqtalǵan avtomobıl, basqa da arnaıy kólikter bar.
Al órtti sóndirý synaq zerthanasynda órt jáne janý sebepteriniń shyǵýy úshin saraptama júrgizýge arnalǵan aspaptar, jabdyqtar jetkilikti. Bul zerthanada 3 qyzmetker jumys isteıdi. Synaqtarǵa shyǵýǵa arnalǵan bir kólik bar.
Sondaı-aq, synaq ótkizýge arnalǵan tórt qondyrǵy, 2 mıkroskop, foto-beıne fıksasııa quraldary daıyn.
Ernur О́tegenov órt sóndirý bólimderi men órt synaq zerthanalarynyń basshylaryna anyqtalǵan eskertýlerdi joıý boıynsha birqatar tapsyrmalar berdi.