Erasyl Saılaýov naýryz aıyndaǵy Ulttyq biryńǵaı testileýde eń joǵary – 140 ball jınady. Bul týraly Oqý-aǵartý mınıstrligi habarlady, dep jazady Egemen.kz.
Saılaýov Erasyl – Abaı oblysy, Borodýlıha aýylynyń týmasy. Ol qazirgi tańda Álıhan Bókeıhan atyndaǵy qazaq orta mektebiniń jáne «Tarıh mektebi» bilim berý ortalyǵynyń túlegi.
Erasyl Naýryz aıyndaǵy UBT-da 140 ball jınap, Qazaqstan boıynsha eń joǵary nátıjege qol jetkizdi. Atalǵan kórsetkish negizinde aǵylshyn tili páninen 50 baldyq konvertasııa jasaldy.
Erasyldyń bos ýaqytynyń basym bóligi kitap oqýǵa jáne shet tilderin meńgerýge arnalady. Til úırenýge degen qyzyǵýshylyǵynyń nátıjesinde ol 10-synypta oqyp júrgen kezinde IELTS halyqaralyq emtıhanyn tapsyrǵan. Sonymen qatar, voleıbol sportymen turaqty túrde aınalysady.
Elimizde naýryz aıyndaǵy UBT bastaldy
Erasyldyń negizgi maqsaty – Naǵyz UBT-da dál osy nátıjeni qaıtalap, 140 ball ıegeri ataný jáne «Dıplomatııa» mamandyǵy boıynsha memlekettik bilim grantyna ıe bolý.
Naýryz aıynda ótetin UBT-ǵa 184 myń talapker qatysady