Aqkól aýdanyndaǵy Ýrıýpınka aýylynda ornalasqan balalar mektep-ınternatynda barlyq jaǵdaı týdyrylǵan. Jetkinshekterge óńir polıseıleri qoldaý kórsetýde.
Igi dástúr boıynsha oblystyq polısııa departamentiniń ókilderi aýdanǵa arnaıy baryp, jetkinshekterge sport jabdyqtaryn tartý etti. Bazary tarqamaǵan balalyq shaqtyń bir nyshany – fýtbol. Balalardyń fýtbolmen aınalysýyna oblystyq polısııa departamenti de uzaq jyldar boıy múmkindik týǵyzyp keledi. Polıseıler balǵyndarmen tikeleı júzdesip, áńgimege tarta alǵan joq. Nysan karantın talaptaryn saqtaýda.
– Mektep dırektorymen habarlasyp oqýshylardyń shaǵyn fýtbolǵa qyzyǵýshylyǵy joǵary ekenin bildik. Eki komanda qurylypty. Bizdiń áriptester olarǵa sporttyq forma men fýtbol doptaryn syılady. Osylaısha, biz polısııa qyzmetkerleriniń salaýatty ómir saltyn ustaný estafetasyn osy mektep-ınternat balalaryna joldaımyz,–deıdi «Dınamo» dene shynyqtyrý-sport uıymy tóraǵasynyń orynbasary Vıktor Býkreev.
–Balabaqsha-mektep-ınternatynyń tárbıelenýshileri atynan oblystyq polısııa departamentine, «Dınamo» sport klýbyna alǵys bildiremin. Qazirgi karantın ýaqytynda bizdiń mekeme saqtyq talaptaryn oryndap, syrtqy ortamen baılanysyn shektep otyr. Osyndaı kezeńde bizdi umytpaı, qoldaý kórsetken polıseıler, olardyń abyroıly qyzmeti tárbıelenýshilerimizge úlgi, - deıdi Ýrıýpınka balabaqsha-mektep-ınternat arnaıy kesheniniń dırektory Iýlııa Aldajarova.
Mektep-ınternatta 86 bala tálim alady. Memleket qamqorlyǵynyń arqasynda barlyq balalar zaman talabyna saı tálimdi tárbıe, berik bilim alýda.
Aqmola oblysy