«Aıala» qaıyrymdylyq qory indetke qarsy kúreste iri demeýshilerden, otandastarymyz aýdarǵan qarajat pen qor prezıdenti Aıdan Súleımenovanyń 53 mln teńgedeı jeke úlesiniń arqasynda 130 mln teńgeden astam qarajat tartyp, 10 jobany iske asyrdy.
«AIаLA» qory óz kúshin 2 qalaǵa – Nur-Sultan jáne Almaty qalalaryna jumyldyrdy. О́ıtkeni munda COVID-19 juqtyrǵandar sany neǵurlym kóp jáne jańa vırýstan ólim kórsetkishi Qazaqstanda eń joǵary bolyp otyr.
Qor aldymen medısınalyq jobalarǵa basymdyq berdi. Sondyqtan koronavırýstyq ınfeksııamen kúreske kómek kóbinese aýrýhanalar men medısına personalyna baǵyttaldy. Osynyń nátıjesinde Almatynyń 200-den astam dárigerleri azyq-túlik túrinde jáne basqa da kómek aldy. Almatydaǵy eresekter men balalardyń juqpaly aýrý aýrýhanalary jańa medısınalyq jabdyqtarǵa qol jetkizdi. Balalardyń qalalyq klınıkalyq juqpaly aýrýlar aýrýhanasy «Shevron» kompanııasynyń demeýshilik qoldaýymen Japonııada jasalǵan 2 jańa О́JD apparatyn jáne Aıdan Tóleýtaıqyzy Súleımenovanyń jeke qarajatyna satyp alynǵan 10 jańa kópatqarymdyq 4 seksııaly reanımasııa kereýetterin aldy. Qalalyq klınıkalyq juqpaly aýrýlar aýrýhanasy qor prezıdentinen bes jańa 4 seksııaly reanımasııa kereýetterin aldy.
Qazaqstannyń búkil oqý oryndary qashyqtan oqytýǵa kóshken shaqta «AIаLA» qory óz qamqorlyǵyndaǵy mektep-ınternattary, balalar úıleri jáne psıhologııalyq-pedagogıkalyq túzetý kabınetterimen jedel baılanysqa shyqty. Bul mekemelerdiń basshylarynan qor qyzmetkerleri kúnkórisi tómen otbasylardyń kóptegen balalaryna oqýyn jalǵastyrýy úshin gadjetter kerek ekenin bildi. Nátıjesinde Nur-Sultan jáne Almaty qalalarynyń bilim berý mekemeleriniń 40 balasy men jasóspirimderi mobıldi ınternet qosylǵan jańa planshetter aldy. Almatynyń 3 mektep-ınternatynyń 12 jasóspirimine berilgen planshetter armanyn iske asyrýyna – «Arystan» arnaıy áskerı lıseıine túsýine kómektesedi.
«Aıala» qory Samsung kompanııasynyń qoldaýymen Almatydaǵy 40 UOS ardagerine aı saıyn azyq-túlik pen dári-dármekti tegin jetkizip berýdi qamtamasyz etti. Al 9 mamyr kúni olarǵa erligi úshin sheksiz alǵys aıtyp, jemis-jıdek salynǵan sebetterdi qosymsha taratty.
Jańa bastamalardyń biri – turmysy nashar otbasylarmen jumys bolyp otyr. Nur-Sultan jáne Almaty qalalarynyń ákimdikterimen úılesimdiktiń arqasynda kómekke óte muqtaj otbasylar anyqtaldy. Osynyń arqasynda muqtajdyǵy aıryqsha balalardy tárbıelep otyrǵan 150-den astam otbasy jalpy 3,6 mln teńgeden asatyn somaǵa azyq-túlik qorjyndaryn aldy. «Aıala» qory bul qorjyndarǵa sút ónimderiniń, irimshik, shujyq, jemister men gıgıena zattarynyń, onyń ishinde jórgekterdiń salynýyn qadaǵalady. Endi osy otbasylarǵa jańa kıim-keshekpen qoldaý kórsetý josparlanyp otyr.
«Biz birgemiz – búkil qazaqstandyqtardy biriktergen ortaq ıdeıa jáne qundylyq. Indetpen kúreske óz úlesimyzdi qosyp otyrǵanymyzǵa qýanyshtymyz. Bizdiń bastamalarymyzǵa qoldaý kórsetkeni úshin iri demeýshilerimizge – «Shevron», Samsung kompanııalaryna, Eýrazııa Ortalyq Azııa Qoryna jeke alǵysymdy bildirgim keledi. Jáne qalyptasqan ekonomıkalyq qıyn jaǵdaıǵa qaramastan, «Kassa24» termınaldaryndaǵy aýdarym arqyly qorǵa kómek berýin jalǵastyrǵan barlyq qazaqstandyqtarǵa alǵys aıtamyn. Osy jumyla jumsaǵan kúshimiz nebári 2 aıdyń ishinde 10 úlken ári mańyzdy jobalardy iske asyrýymyzǵa sebepshi boldy. Kómekke óte zárý adamdarǵa qoldaý kórsetildi. Biz medısına mekemelerimen, mektep-ınternattarmen, balalar úılerimen jáne PPTK jumys júrgizýdi jalǵastyramyz. Koronavırýstyq ınfeksııanyń saldaryn birge jeńýimiz úshin bizge járdem berýdi jalǵastyrýlaryńyzdy suraımyn», – dedi «Aıala» qorynyń prezızdenti Aıdan Súleımenova.
ALMATY