Dúnıejúzilik densaýlyq saqtaý uıymy men Qytaı bıligi COVID-19-ben kúresý úshin qarajat jınaıtyn qaıyrymdylyq baǵdarlamasyn iske qosty. Bul týraly Memlekettik komıssııanyń shuǵyl shtaby Telegram arnasynda habarlady.
- Qaıyrymdylyq qory Tencent Foundation, Alibaba Foundation, Alipay Foundation sekildi 20 qytaı ınternet-platformasy arqyly járdem qarajatyn jınaıdy. DDU-nyń bas dırektory Tedros Adhanom Gebreıesýs CPWF qorynyń DDU-nyń COVID-19 pandemııasymen jahandyq kúreste kórsetip jatqan qoldaýyn joǵary baǵalady. Sonymen qatar ol Qor uıymnyń adamdardyń ómirin qutqarý jolyndaǵy kúsh-jigerine tikeleı úles qosyp jatqan jekelegen kompanııalar men tulǵalardy kótermeleıtinin atap ótti, - delingen habarlamada.