Qazaqstan men Qytaıdyń medısınalyq sarapshylary koronavırýsqa qarsy is-qımyl boıynsha tájirıbe almasty. Bul týraly SIM baspasóz qyzmeti habarlady.
Qazaqstannyń Qytaıdaǵy Elshiliginiń qoldaýymen Beıjiń ýnıversıtetiniń klınıkalyq aýrýhanasynyń sarapshylary men QR densaýlyq saqtaý organdarynyń jetekshi mamandary arasynda onlaın-beınekonferensııa ótti. Sarapshylar beınekonferensııa barysynda COVID-19 indetiniń taralýynyń aldyn alý, sondaı-aq koronavırýstyq ınfeksııany anyqtaý men emdeýdiń tıimdi tásilderin talqylady.Buǵan qosa, Qazaqstan men Qytaıdyń densaýlyq saqtaý salasyndaǵy ynymaqtastyǵyn tereńdetý maqsatynda taraptar ózara yqpaldasýdy jáne onlaın-konferensııa túrinde kelissózder júrgizýdi odan ári jalǵastyrý týraly ýaǵdalastyqqa qol jetkizdi.