Búgin Jezqazǵan qalasynda 13 adamnyń koronavırýs ınfeksııasyn juqtyrǵany zerthanalyq negizde rastaldy, dep habarlady Jezqazǵan aımaǵy boıynsha densaýlyq saqtaý basqarmasynyń basshysy Lázzat Ranova.
Sondaı-aq ol COVID-19 indetiniń taralýyna kimniń sebepker bolǵanyn málim etti.
– Temirtaý qalasynyń turǵyny Jezqazǵanǵa qydyryp kelip, týystarynyń aýyzashar rásimine qatysqan. Keıin sol jerde bolǵan 13 adamnan koronavırýs ınfeksııasy anyqtaldy. Olardyń arasynda úsh bala bar, – dedi Lázzat Ranova.
Qazirgi ýaqytta pasıentter Sátbaev qalasyndaǵy ınfeksııalyq bólimshege oqshaýlandyrylǵan. Olardyń turǵylyqty jeri boıynsha tórt podezd karantınge jabyldy.