Búgingi derek boıynsha Almaty oblysynda taǵy 6 adamnyń indet juqtyrǵany belgili boldy. Indetke shaldyqqandar Taldyqorǵan qalasy men Eskeldi jáne Talǵar aýdandarynyń turǵyndary eken. Al osy sátke deıin aımaqtaǵy naýqastar sany 284 adamǵa jetti.
- Almaty oblysynda koronavırýs ınfeksııasynyń taǵy 6 jaǵdaıy tirkeldi. Atap aıtqanda, Taldyqorǵan qalasy men Eskeldi jáne Talǵar aýdandarynyń árqaısysynda 2 jaǵdaıdan anyqtaldy.
Anyqtalǵan 6 pasıent te oqshaýlanyp, ınfeksııalyq bólimge aýystyryldy. Onyń tórteýi buǵan deıin koronavırýspen aýyrǵandarmen baılanysta bolǵandar, ekeýiniń syrqaty profılaktıkalyq tekserilýi barysynda belgili boldy. Juqtyrǵandar arasynda bıyl dúnıege kelgen náreste de bar, - dep habarlaıdy Almaty oblysy ákiminiń baspasóz qyzmeti.