Qaýipti indettiń qursaýyna túskender sany kún saıyn kóbeıip barady. Arasynda balalar da bar.
О́ńirlik jedel shtab taratqan málimetke súıensek, ótken táýlikte qaýipti indetti 12 adam juqtyryp aldy. Toǵyzy Teńiz kenishiniń jumysshylarynan anyqtalyp otyr.
–Taǵy úsh naýqastyń biri –Isataı aýdanynda turatyn úsh jasar qyz. Sondaı-aq Qulsary qalasynyń 53 jastaǵy jáne Atyraý qalasynyń 24 jastaǵy turǵyndarynan koronavırýs ınfeksııasy anyqtaldy. Naýqastardyń bári algorıtmge sáıkes em qabyldaýda. Olarmen baılanysta bolǵandar men indet oshaǵy anyqtalyp jatyr, - dep habarlady jedel shtab.
Osylaısha, Atyraýda qaýipti indetke shaldyqqandar sany 891 adamǵa jetti. Onyń ishinde 226 adam jazylyp shyqty.
Atyraý