Álemniń ekinshi raketkasy, Qazaqstannyń úzdik tennısshisi Elena Rybakına AQSh-tyń Maıamı qalasynda ótip jatqan Miami Open týrnıriniń shırek fınalyna joldama aldy, dep habarlaıdy Egemen.kz.
1/8 fınalda ol aýstralııalyq Talııa Gıbsonǵa (WTA reıtınginde 68-oryn) qarsy oınady. Match 1 saǵatqa jýyq ýaqytqa sozylyp, Rybakına 6:2, 6:2 esebimen jeńiske jetti.
Kelesi kezeńde bizdiń sportshy amerıkalyq Djessıka Pegýlaǵa (5-oryn) qarsy oınaıdy. Djessıka óz kezeginde rýmynııalyq Jaklın Krıstıandy (36-oryn) 6:4, 6:1 esebimen jeńgen bolatyn. Kezdesý 25 naýryzǵa josparlanǵan.
Rybakına Miami Open týrnıriniń úshinshi kezeńinde Ýkraına ókilin jeńdi
Aıta keteıik, Rybakına týrnırdi ekinshi aınalymnan bastap, alǵashqy matchynda qazaqstandyq Iýlııa Pýtınsevany (75-oryn) 6:3, 6:3 esebimen utty. Odan keıin ýkraınalyq Marta Kostıýkti (28-oryn) 6:3, 6:4 esebimen jeńdi.
Elena Rybakına álemniń ekinshi raketkasy atandy
Miami Open týrnıri 17-28 naýryz aralyǵynda ótedi. Jalpy júlde qory shamamen 18,8 mln dollardy (9 mlrd teńgeden astam) quraıdy. Jekeleı synda jeńiske jetken oıynshylar 1,15 mln dollardan asa syıaqy alady.
Qazirgi týrnırdiń chempıony – álemniń birinshi raketkasy, belarýstik Arına Sobolenko.