«QazAvtoJol» ulttyq kompanııasy Qazaqstandaǵy avtomobıl joldarynyń qazirgi jaǵdaıy týraly málimet berdi. 2026 jylǵy 24 naýryz saǵat 08:00-degi jaǵdaı boıynsha elimizdegi keıbir jol ýchaskelerinde barlyq kólik túrleriniń qozǵalysyna shekteý qoıylǵan, dep habarlaıdy Egemen.kz.
Soltústik Qazaqstan oblysynda aýa temperatýrasynyń kúrt kóterilýi men qardyń qarqyndy erýine baılanysty jol negizi shamadan tys ylǵaldanyp, jol jamylǵysynda oıyqtar paıda bolǵan. Osyǵan baılanysty júk jáne qoǵamdyq kólikterdiń qozǵalysy qıyndaǵan. Qaýipsizdik maqsatynda «Tımırıazevo – Sarykól – Qostanaı oblysynyń shekarasy» avtojolynyń 0-30 shaqyrym aralyǵynda (Tımırıazevo aýyly – Qostanaı oblysynyń shekarasy) júk jáne qoǵamdyq kólikter úshin qozǵalysqa shekteý engizildi.
Sonymen qatar, Pavlodar oblysynda «Astana – Shiderti – Pavlodar – Ýspenka – Reseı shekarasy» avtojolynda («Qalqaman» jol aıyryǵy mańy) kópir qurylymynyń zaqymdanýyna baılanysty qozǵalys shektelgen. Bul ýchaske Qalqaman aýylyna kireberis pen Astana baǵytyna shyǵatyn joldy qamtıdy.
Alty aımaqta jol jabylady
Al Shyǵys Qazaqstan oblysynda kúrdeli taýly aımaqqa baılanysty Osınov asýynda qys mezgilinde (2024-2025 jj.) júk kólikterine, ásirese tirkemesi bar kólikterge shekteý qoıylǵan. Bul shekteý 46-66 shaqyrym aralyǵynda (Severnyı aýylyna burylys – Serebrıansk qalasyna burylys) áreket etedi.
Aldaǵy eki táýlikte aýa raıy qubylmaly bolady
Sınoptıkterdiń boljamynsha, 24-26 naýryz aralyǵynda Qazaqstannyń ońtústiginde aýa temperatýrasy +28 gradýsqa deıin kóteriledi. Jalpy respýblıka boıynsha tuman kútiledi, al soltústik, shyǵys jáne ortalyq óńirlerde kóktaıǵaq saqtalady.