Kepteleske tap bolmas úshin kólik júrgizýshileri baǵdaryn aldyn ala josparlaýy qajet, dep habarlaıdy elorda ákimdiginiń resmı saıty.
Kóshe-jol jelilerin ortasha jóndeýge baılanysty Baıtursynov kóshesiniń Qoshqarbaev dańǵylynan Táýelsizdik dańǵylyna deıingi ýchaskesinde jóndeý júrýde. Osyǵan oraı 26 mamyrdan 5 maýsymǵa deıin jol jartylaı jabylady, dep habarlady qalalyq kólik jáne jol-kólik ınfraqurylymyn damytý basqarmasy.
«Elorda turǵyndary men qonaqtary qala joldarynda keptelisti boldyrmaý úshin baǵdaryn aldyn-ala jospalaýy kerek. Keltirilgen qolaısyzdyqtar úshin keshirim suraımyz jáne jóndeý jumystaryna túsinistikpen qaraýdy ótinemiz», – delingen habarlamada.