Taraz qalasyndaǵy «Araı» turǵyn úı alqabynyń turǵyndary ótken jyly tóselgen asfalttyń sapasyzdyǵyn aıtyp, shaǵymdanǵan bolatyn.
О́tken jyly ǵana atalǵan turǵyn úı alqabynda birneshe kóshe asfalttalǵanymen, onyń sapasy kóńil kónshitpeıtin deńgeıde bolyp tur. Bıyl jeti birdeı kóshedegi jol jabyny jelinip, jaryla bastaǵan. Sondaı-aq atalǵan aýdan turǵyndary keıbir káriz lıýkterdiń asfalt astynda qalǵanyna da narazylyq tanytýda.
Jambyl oblysynyń ákimi Berdibek Saparbaev osy máselege oraı, «Araı» turǵyn úı alqabynyń turǵyndarymen kezdesti. Ákim turǵyndarǵa jaǵdaıdyń retteletinin, sheshimin tabatynyn jetkizdi. Merdigerlerdiń jumysyn synǵa aldy. «Qala turǵyndary jol jóndeý jumystarynyń barysyn muqııat qadaǵalap otyrady. Eger olqylyqtardy baıqasa, olardy sheshýge tyrysyp, áleýmettik jelilerge jarııalaıdy. Bul bizdiń qoǵamdyq baqylaýymyz. Osylaısha olar jumys sapasy men merdigerlerdiń is-áreketterin baqylaýǵa kómektesedi. Sonymen birge, tehnıkalyq qadaǵalaý, turǵyn úı-kommýnaldyq sharýashylyq mamandary neǵurlym belsendi jumys istep, jumys sapasyn tıisti deńgeıde qadaǵalaýdy qamtamasyz etýi kerek. Merdigerler óz kezeginde, kez-kelgen kemshilikterdiń óz esebinen túzetiletinin túsinýleri tıis», dedi Berdibek Saparbaev.
Sonymen qatar Berdibek Saparbaev Taraz qalasyndaǵy Qoıgeldi, Abaı, Nıetqalıev, Komratov, Sypataı batyr jáne basqa da kóshelerdi aralady. Munda jylý magıstralin qaıta jańartýǵa baılanysty jol tósemi buzylǵan bolatyn. Alaıda, jumystar aıaqtalǵannan keıin jol jabyny tıisti túrde qalpyna keltirilmegen. «Joldardy qalpyna keltirý sapasy nashar. Merdigerdi jáne tehnıkalyq qadaǵalaýshylardy shaqyryp, barlyq olqylyqtardy joıý úshin qajetti sharalar qoldaný kerek. Mundaı deńgeıdegi jumystardy qabyldaý múmkin emes», dedi ol. Jalpy, «Jumyspen qamtýdyń jol kartasy» baǵdarlamasy aıasynda oblys ortalyǵynda jol qurylysy boıynsha 100 joba júzege asyrylýda. Ol boıynsha Taraz qalasynyń 130 kóshesi qamtylady. Sondaı-aq, 88 shaqyrym avtojoldar men trotýarlar salynyp, jóndeledi. Bul jumystarǵa barlyǵy 3,3 mıllıard teńge bólingen. Jumystyń basym bóligi buǵan deıin asfalt tóselmegen kóshelerde oryndalady. Bıylǵy jyly jóndelmegen kóptegen kóshelerde qıyrshyq tas tóseý josparlanýda. Sondaı-aq aǵymdaǵy jyly 163 kópqabatty turǵyn úıdiń aýlasy abattandyrylady. Aýlalardyń kópshiliginde jumys qazirdiń ózinde bastalyp ketti. Merdigerler asfalt tósep, paıdalanýǵa jaramsyz sýarý naýalaryn aýystyryp, shaǵyn sáýlettik formalar men oıyn alańdaryn ornatýda.
Jambyl oblysy