Shymkent qalalyq jumyspen qamtý ortalyǵy 25 mamyrdan bastap barlyq sanıtarlyq jáne epıdemıologııalyq talaptardy saqtaı otyryp, azamattardy qabyldaýdy bastady.
Ǵımarattyń syrtyna arnaıy shatyrlar ornatylyp, araqashyqtyǵy saqtalǵan oryndyqtar qoıyldy. Odan bólek, kireberiste dezınfeksııalyq týnnel jumys istep tur. Ár kirgen adamnyń dene qyzýy arnaıy apparatpen jiti baqylanýda.
Qazirgi tańda azamattarǵa áleýmettik kómek, jumyspen qamtý jáne kásiptik oqytý máseleleri boıynsha keńester berilip, qajet bolǵan jaǵdaıda qujattar qabyldanýda.
Aıta keteıik, ortalyq 26 naýryzdan bastap qashyqtan jumys isteýge kóshken bolatyn. Osy aralyqta 15 myńǵa jýyq azamat AÁK boıynsha elektrondy túrde qujattaryn rásimdegen.
Al, búgingi tańǵa deıin 4 myń adam ortalyq arqyly turaqty jumysqa ornalasyp, 2 500 azamatqa qoǵamdyq jáne praktıkalyq jumystarǵa joldama berilgen.