Elimizdegi barlyq ýchaskede daýys berý bastaldy. Bul týraly Ortalyq referendým komıssııasy tóraǵasynyń orynbasary Muhtar Erman málimdedi, dep habarlaıdy Egemen.kz.
«Oblystardyń, respýblıkalyq mańyzy bar qalalardyń komıssııalary usynǵan derekterge sáıkes, saǵat 7:00-degi jaǵdaı boıynsha óńirlerde barlyq 10388 ýchaske daýys berýge kiristi. 92 ýchaskede aýmaqtyq komıssııalardyń qabyldaǵan sheshimderine sáıkes daýys berý tańǵy saǵat 6.00-de bastaldy. Tizimderge 12 461 796 azamat engizildi», dedi Muhtar Erman.
«El Daýysy» qorynyń baqylaýshylary saılaý ýchaskelerine alǵashqylardyń biri bolyp keldi
Ýchaskelik komıssııalar azamattardyń jazbasha ótinishteri boıynsha daýys berý quqyǵyn beretin barlyǵy 17 514 esepten shyǵarý kýáligin berdi. Respýblıkada 10 388 daýys berý ýchaskesi bar. Onyń ishinde Qazaqstan Respýblıkasynyń shet memleketterdegi ókildikterinde 54 elde 71 ýchaske ornalasqan.
Referendým: Qazaqstan azamaty Seýlde alǵashqylardyń biri bolyp daýys berdi
Aıta keteıik, saıası naýqan bastalmas buryn aýqymdy daıyndyq jumystary júrgizildi. Barlyq ýchaskelerdiń kedergisiz ári sapaly jumys isteýi úshin tıisti jaǵdaıdyń bári jasalǵan.
Komıssııa músheleri azamattarǵa kez kelgen suraq boıynsha keńes berip, der kezinde kómek kórsetý úshin arnaıy oqýdan ótti. Referendým búkil respýblıka aýmaǵynda belsendi ótýde.