LRT-nyń jolaqysy 200 teńge bolyp bekitildi, baǵany kóterý ázirge josparda joq. Bul týraly Astana qalasy ákiminiń orynbasary Ersin О́tebaev jaýap berdi, dep jazady Egemen.kz.
Onyń aıtýynsha, ázirge tarıf ózgerissiz qalady. Jobaǵa sýbsıdııa bólý máselesi keıinirek qaralady, óıtkeni mamandarǵa baǵytty tolyq synaqtan ótkizý úshin ýaqyt qajet.
«Jolaqy quny ázirge bekitilgen deńgeıde qalady. Qoǵamdyq kólik baǵyttarynyń jelisi árdaıym ózin-ózi aqtaı bermeıdi, onyń áleýmettik mańyzy bar. Sondyqtan qazirgi tańda joba tabystylyǵy týraly aıtý áli erte», dedi E. О́tebaev Úkimet kýlýarynda.
Jolaqy qunyn jeli baǵytyn Qosshyǵa deıin uzartqannan keıin de kóterý josparlanyp otyrǵan joq. Bul baǵytty aldaǵy úsh jyl ishinde iske qosýy múmkin.
Avtobýspen 1,5 saǵat: LRT arqyly áýejaıdan vokzalǵa deıin qansha ýaqytta jetýge bolady?Sonymen qatar ákim orynbasary avtobýs tasymaly tarıfteri týraly da pikir bildirdi. Qazirgi qoldanystaǵy baǵyttar boıynsha jolaqyny ázirge kóterý josparlanbaǵan, degenmen bolashaqta ózgerister bolýy múmkin. Qala mańyndaǵy baǵyttardyń tarıfi qalalyq baǵyttarǵa qaraǵanda joǵary, biraq olar burynnan bekitilgen. Al sýbsıdııa kólemi tek belgili bir faktorlardy eskere otyryp ózgertiledi.
Buǵan deıin Astanadaǵy LRT qurylysyna qansha qarjy jumsalǵany týraly jazǵan bolatynbyz.