Maqtaaral aýdanyndaǵy sý basqan egistik alqaptardy qaıta qalpyna keltirip, shıtti maqta egý jumystary bastaldy. Bul oraıda jergilikti sharýalarǵa О́zbekstan Respýblıkasynyń Jyzaq jáne Syrdarııa oblystarynan kelgen 40 arnaıy tehnıka kómektesip jatyr.
Aýdan aýmaǵyna kirgen 15 chızel agregaty, 11 júıekaralyq qopsytqysh, 14 dán sepkish (seıalka) tehnıkalar qazirgi ýaqytta sýy tartylǵan eldi mekenderdegi sharýalarǵa kómektesip, maqta daqylyn qaıta egip berip jatyr. Máselen, J.Nurlybaev aýyldyq okrýgine qarasty Qaraqyr eldi mekenindegi «Jamanqul» sharýa qojalyǵy ózbekstandyq tehnıkanyń arqasynda 7 gektar alqabyna maqta shıtin qaıta seýip shyqty. Kórshi aǵaıyndar tehnıkadan bólek, janar-jaǵarmaıyn, surypty shıtin de tegin berip otyr. Iаǵnı kórshi elden 243,6 tonna maqta shıti jetkizildi. «Sý shaıǵan alqaptarda mamyr aıynyń sońǵy kúnderine deıin maqta egýge bolady. Sondyqtan sharýalar kúndiz-túni tynbaı egistik alqaptaryn qaıta qalpyna keltirý jumystaryna jumylýda. Bir táýlikte shamamen 100 gektardan astam alqapqa kúlte júrgizilip, 100 gektarǵa maqta egilýde», deıdi aýdandyq aýyl sharýashylyǵy bóliminiń mamany Jarqynbek Myrzalıev.
Aıta keteıik, jalpy topan sýdan Maqtaaral aýdanyndaǵy 7 myń 500 gektar egistik alqap zardap shekken bolatyn. Sonyń 5035 gektary Jańajol aýyl okrýgine tıesili. О́zbekstandyq tehnıkalardyń basym kópshiligi de osy aýyl okrýgine bólingen otyr. Budan bólek, Eńbekshi aýyldyq okrýgine qarasty Jańa turmys jáne Jantaqsaı eldi mekenderindegi jalpy aýmaǵy 113,31 gektar egistik alqapty qaıta óńdeý jumystaryna da ózbekstandyq tehnıkalar bólindi. Sonymen qatar, J.Nurlybaev aýyldyq okrýgine qarasty Qaraqyr eldi mekeninde 61,8 gektar egistikke qaıtara maqta dánin sebý jumystary júrgizilip jatyr.