Bul pikirdi EO dıplomatııasynyń basshysy Hosep Borrel aıtty.«Kóshbasshysy joq álemde, Azııa ekonomıkalyq qaýipsizdik pen tehnologııa turǵysynan mańyzdy ról atqaratyn bolady. Amerıkandyq júıeniń aıaqtalýy men Azııa ǵasyrynyń bastalýy týraly taldaýshylar burynnan aıtyp keledi. Bul bizdiń kóz aldymyzda bolyp jatyr », - dedi Borrel Germanııadaǵy dıplomatııalyq mıssııalardyń basshylarymen bolǵan beıne konferensııada.
Onyń aıtýynsha, sarapshylar bul týraly uzaq ýaqyttan beri aıtyp keledi. Al koronavırýs bul prosessti tek jedeldetti.
«Eger HHI ǵasyr Azııa ǵasyry bolsa, HH ǵasyr Amerıkanyń ǵasyrda qalady, Pandemııa osy prosesstiń betburys kezeńi retinde este qalýy múmkin», - dep qosty ol.
TASS habarlaǵandaı, ol Vashıngton men Beıjiń arasyndaǵy básekelestik kópjaqty júıege jıi áser etedi. Kóptegen qaýymdastyqtarda - BUU Qaýipsizdik Keńesi, G20, DDSU - kelisimderge qaraǵanda kelispeýshilikter men veto kóp. «Álemniń sıfrly sıpaty ýaqyt ótken saıyn artyp, memleketter basqarylatyn bolyp barady. Endi basty másele sıfrlyq jelilerdi kimniń basqaratyny jáne standarttardy kimniń ornatatyny» deıdi Hosep Borrell.