Maqtaaral aýdanynda búginde qurylys qarqyn alǵan. Iаǵnı qurylys salasy mamandaryna suranys bar.
Osy oraıda aýdanda bos jumys oryndarynyń jyljymaly jármeńkesi uıymdastyrylýda. Sharanyń maqsaty – topan sýdan zardap shekken aýyldardyń turǵyndaryna arnalyp Myrzakent kentiniń shyǵys jaq betinde salynyp jatqan jańa shaǵyn aýdandaǵy turǵyn úı qurylysyna qajetti jumysshylardy tartý.
Aýdandyq jumyspen qamtý ortalyǵynyń mamandary 2 kent jáne 9 aýyldyq okrýgti aralap, turǵyndarǵa bos jumys oryndaryn usynýda. Jyljymaly jármeńke barysynda 32 merdiger mekemege qajetti ártúrli jumys usynylýda. Jumysshylarǵa jalaqy kelisim túrinde tólenetin bolady.
Máselen, qabyrǵa órýdiń bir sharshy metri 7 myń teńge, shatyr jabý 1.5- 2 myń teńge arasynda, seımobeldeý quıýdyń sharshy metri 1.5 myń teńge shamasynda tólenedi. Maqtaaral aýdandyq halyqty jumyspen qamtý ortalyǵy dırektorynyń orynbasary Jaqsybek Toqbergenovtiń aıtýynsha, jyljymaly jármeńke aldaǵy ýaqytta da ótkiziletin bolady.