Túrkistan oblysynda sońǵy aqparatqa sáıkes koronavırýstyq ınfeksııa rastalǵan 337 jaǵdaı tirkelgen. Onyń ishinde 187 adam aýrýynan aıyǵyp, otbasyna oraldy.
О́ńirde búgingi epıdemıologııalyq ahýalǵa baılanysty karantın rejımi 8 maýsymǵa deıin uzartyldy. Osyǵan oraı óńirde birqatar shekteýler saqtalady. Oblys ákimi О́mirzaq Shókeev onlaın-brıfıng ótkizip, karantın talaptaryn saqtamaǵandarǵa aıyppul salynatynyn málimdedi.
«Aýa arqyly tez taraıtyn bul derttiń ázirge naqty vaksınasy joq. Dárigerler qaýymy kún-tún demeı vırýsty jeńý jolynda talmaı eńbek etýde. О́kinishke qaraı, COVID-19 ınfeksııasynyń baryna kúmán keltiretin adamdar kóshede qydyryp, týǵan-týysynyń úıine baryp júr. Balalar bir-birimen aýlalarda birge oınap, tyǵyz baılanysta júr. Bul durys emes. Atalǵan vırýs qazir oblys kóleminde, ár aýdanda keńinen tarap barady. Aldyn almasaq, saldary jaman bolmaq. Otbasymyzdyń, týǵan-týystyń, ata-anamyzdyń amandyǵyn oılasaq áli de karantın rejımin saqtaýymyz qajet. Quqyq qorǵaý organdaryna arnaıy jınalys jasap, tapsyrdym. Zańǵa baǵynbaǵan kásipkerlerge jaza qoldaný kerek», dedi О́mirzaq Shókeev.
Túrkistan oblysy