Qazaqstannyń eńbek sińirgen qaıratkeri, halyqaralyq «Alash» jáne «Túrki álemine qyzmet» syılyqtarynyń laýreaty, jazýshy, pýblısıst Marhabat Baıǵuttyń mereıli 75 jasqa tolýyna oraı ótkizilgen «Mahabbat maqam Marhabat» respýblıkalyq jas qalamgerlerdiń shyǵarmashylyq baı̆qaýy márege jetti.
Shyǵarmashylyq baıqaýǵa elimizdiń barlyq oblystarynan qatysýshylar nıet bildirip, shyǵarmalaryn joldaǵan. Jalpy baıqaýǵa 87 jas qalamger qatysyp, toptan jaryp shyqqan úzdikter men júırikter anyqtaldy.
Quramynda Q.A.Iаsaýı atyndaǵy Halyqaralyq qazaq-túrik ýnıversıtetiniń professory, fılologııa ǵylymdarynyń doktory Seıdýlla Sadyqov, Halyqaralyq «Shabyt» festıvaliniń laýreaty, aqyn Álibek Shegebaı, jas aqyn Muqaǵalı Kenjetaı jáne Túrkistan oblysy qoǵamdyq damý basqarmasynyń «Jastar resýrstyq ortalyǵy» KMM-i basshysy Amalbek О́mirtaı bar ádilqazylar alqasynyń sheshimimen kórkem shyǵarma baǵyty boıynsha 1 oryndy Túrkistan qalasynan Ámálııat Arqalyq jeńip aldy.
Osy atalymda 2 orynǵa Otyrar aýdanynan Aıaýlym Jaqsybek ıe bolsa, 3 oryndy Qazyǵurt aýdanynan Jamal Júrsinbek qanaǵat tutty. Al, kórkem óleń baǵyty boıynsha 1 oryndy Túrkistan qalasynan top jarǵan Dáýren Tleýhan ıemdense, 2 oryndy túrkistandyq Elaman Tóleýtaı, 3 oryndy Shyǵys Qazaqstan oblysynan Rysgúl Dosjan aldy.
Sondaı-aq, esse jazý baǵyty boıynsha 1 orynǵa Shymkent qalasynan Anarbaı Jamal ıe boldy, 2 orynǵa shymkenttik Erbolat Aınabekov, 3 orynǵa Aqtóbe oblysynan Darhan Mendolın laıyqty dep tanyldy.
Baıqaý jeńimpazdary oblystyq «Jastar resýrstyq ortalyǵynyń» arnaıy syılyqtarymen jáne Alǵys hattarymen onlaın marapattaldy.
Túrkistan oblysy