Bıyl mektepti 5 286 túlek bitirdi. Olardyń 4 211-i UBT tapsyrýǵa ótinish berip otyr. Oblystyq bilim berý basqarmasy basshysynyń mindetin atqarýshy Aqkenje Isanbergenovanyń aıtýynsha, buǵan qosa kolledjderdi bitiretin 834 túlek te UBT tapsyrady.
Qazir testileýge daıyndyq online platformalarda júrip jatyr.
– UBT tapsyrý barysynda sanıtarlyq talaptar qatań saqtalady. Oblysta test ótkizý úshin segiz ortalyq jasaqtaldy. Qazir UBT ótkizýdiń syzbasy oblystyq bas memlekettik sanıtarlyq dárigerdiń kelisimine jiberildi. Test ǵımarat ishinde ótedi. Qazirgi jaǵdaıǵa baılanysty 86 aýdıtorııa daıyndalýda. Lek sany artýda. Test tapsyrýshylar 29 lekpen kiretin bolady, - deıdi Aqkenje Isanbergenova.