Shaıbaly hokkeıden Qurlyqtyq hokkeı lıgasynyń (QHL) jańa maýsymy aldyn ala boljam boıynsha 2 qyrkúıekte bastalady. Bul týraly QHL-diń resmı saıty habarlady.
Turaqty birinshiliktiń bastalýy týraly uıymdastyrýshylar tarapynan barlyq komandaǵa habarlama jibergen. Degenmen QHL basshylyǵy týrnırdiń bastalýy eń aldymen pandemııanyń epıdemııalyq jaǵdaıy jáne Reseı men turaqty birinshilikke qatysatyn komanda elderindegi koronavırýstyń taralýyn eskeredi. Sondyqtan bul naqty data emes, delingen QHL-diń resmı saıtynda.
Eske sala keteıik, QHL-diń 2019/20 jylǵy maýsymy koronavırýs pandemııasyna baılanysty merziminen buryn aıaqtalǵan edi. Elordanyń «Barys» komandasy Chernyshev dıvızıonynda top jaryp, Gagarın kýbogy básekesiniń ekinshi pleı-off kezeńine deıin jetken bolatyn.