Qyzylorda oblysy Qarmaqshy aýdanynyń ákimi Musa Qaldarbekov Josaly kentindegi balalar kitaphanasy men Qarmaqshy aýyldyq okrýgindegi «Balbóbek» balabaqshasy ǵımaratyndaǵy jóndeý jumystarynyń barysymen tanysty.
«Jumyspen qamtýdyń jol kartasy» baǵdarlamasy aıasynda kóptegen ıgi bastamalardy júzege asyrǵaly otyrmyz. Júzdegen turǵynǵa jumys tabylyp, áleýmettik nysandar jańǵyrtylýdan ótkizilýde. Baǵdarlama sheńberinde aýdandy abattandyrý, kóshelerdi ortasha jóndeý men jaryqtandyrý, áleýmettik nysandardy aǵymdaǵy jóndeýden ótkizý jumystary atqarylatyn bolady, – dedi aýdan basshysy.
Musa Ospanuly memleket tarapynan bólingen qarjynyń ýaqtyly ıgerilýi, áleýmettik nysandarda jasalyp jatqan jumystardyń sapasy, belgilengen ýaqytta halyq ıgiligine berilýi basty nazarda bolatynyn jetkizdi.
Búgingi kúni aýdanda jumyspen qamtý ortalyqtarynda tirkeýde turǵan 332 jumyssyz azamatqa joldama berilgen.