iKOMEK qalalyq monıtorıng jáne jedel áreket etý ortalyǵy Call Center Awards 2019-2020 halyqaralyq baıqaýynda «Klıentterdi saraptaý, zerdeleý jáne túsinýdiń úzdik praktıkasy» atalymynda qazylardyń joǵary baǵasyn aldy, dep habarlaıdy elorda ákimdiginiń resmı saıty.
Elordalyq ortalyq Sberbank, Bank VTB, Vympel-Kommýnıkasııalar jáne t.b. sııaqty baılanys ortalyqtary ındýstrııasynyń alyptarymen básekege tústi. Ikomek TMD elderiniń bıznes uıymdary baılanys ortalyqtarynyń bedeldi baıqaýynda ekinshi jyl qatarynan Qazaqstan Respýblıkasyn tanytyp kele jatqanyn atap ótý qajet,dep habarlady jedel áreket etý ortalyǵynyń PR-qyzmeti. «Baılanys ortalyqtary salasyndaǵy halyqaralyq sarapshylar ekinshi jyl qatarynan bizdi TMD ishindegi úzdikterdiń úzdigi dep moıyndap otyr. О́tken jyly biz baılanys ortalyqtary ındýstrııasyndaǵy «Oskardy» «Baılanys ortalyǵyn qurý/biriktirýdiń úzdik jobasy» atalymynda ıelengen bolatynbyz. iKOMEK komandasy úshin qyzmetkerlerimiz salyp jatqan kúsh-jigerdiń halyqaralyq dárejede moıyndalýy jáne elorda ıgiligi úshin budan da jaqsy jumys jasaýǵa degen zor umtylys», - dedi iKOMEK qalalyq ortalyǵynyń basshysy Jannat Dúbirova.
iKOMEK qalalyq monıtorıng ortalyǵynda «Qalany basqarý paneli» sekildi ózindik ázirleme engizilgen, ol statıstıkadan bastap, tereńinen taldaý jáne «Júıeli túıtkilder reıtıngisin» qurýǵa deıingi derekterdi avtomatty túrde jasaqtaıdy. Basqarý paneliniń málimetteri negizinde qala jáne elordalyq uıymdardyń basshylyǵy turǵyndarǵa barynsha jaıly ómirdi qamtamasyz etý úshin basqarýshylyq sheshimder qabyldaıdy. Eske sala keteıik, iKOMEK109 biryńǵaı baılanys ortalyǵy 2018 jyldyń basynan berip jumys istep keledi. Sol ýaqyttan beri qala turǵyndarynan 3,6 mln astam ótinish qabyldandy.
Kún saıyn 7 myńnan 29 myńǵa deıin ótinish túsedi. Sondaı-aq ótinish berýdiń balama tásilderi qarastyrylǵan:
- Ákimdiktiń resmı saıty astana.gov.kz;
- iKOMEK109 mobıldi qosymshasy (PlayMarket/AppStore);
- Telegram chat-boty (t.me/nursultanikomek109_bot); - Smart Astana mobıldi qosymshasy (PlayMarket/AppStore); - aitu.city portaly.