Maqtaaral aýdanyna Batys Qazaqstan oblysynan 12 tonna gýmanıtarlyq kómek kelip jetti. Kómek kerýenine azyq-túlikter men qurylys materıaldary, kıim-keshek jáne turmystyq qajetti qural-jabdyqtar tıelgen.
Sý tasqynynan zardap shekken maqtaaraldyq aǵaıyndarǵa kómek qolyn sozýǵa batystaǵy «Vaınah» sheshen-ıngýsh etnomádenı ortalyǵy men «Birlik» eriktiler toby, «Dostyq» qazaq-vaınah pen «Patriot» sport klýby, sonymen birge «Kadyrgalıev T.A.» JK, «UralskRunners» júgirýshilerdiń klýb músheleri atsalysyp, qarajat jınaýǵa sep bolǵan.
Al, Batystan Ońtústikke deıin jol tartqan kómek kóligin Túrkistan oblysy ákimi apparatynyń «Qoǵamdyq kelisim» KMM-niń Maqtaaral aýdandyq fılıaly mamandary, etnomádenı birlestik tóraǵalary men músheleri kútip alyp, gýmanıtarlyq kómek qoımaǵa tapsyryldy.
Túrkistan oblysy