Aýa raıynyń jylynýyna baılanysty Aqtóbe oblysynyń atty polısııa qyzmetkerleri men Tótenshe jaǵdaı departamenti qyzmetkerlerimen birlesip, saıajaılar men sý jaǵajaılary aýmaǵyn baqylaýdy qolǵa aldy.
Sý jaǵalary men saıajaılardy qoǵamdyq quqyqbuzýshylyq, onyń ishinde alkogoldi ishimdikterdi ishken adamdarǵa, shomylý maýsymy bastalǵan ýaqytta belgilenbegen jerlerde sýǵa túsken adamdarǵa ákimshilik hattamalar toltyrylyp, eskertý jasalady.
– 27 mamyr kúni atty polıseılermen jazǵy maýsymda saıajaılar men sý jaǵajaılarynda baqylaý júrgizilý bastaldy. Bul tekserý jumystary 10 atty polıseıler men 20 polısııa qyzmetkerleri jáne TJ departamentimen birge jasalady. Bir kún ishinde atty polıseılermen 10 quqyq buzýshylyq faktisi anyqtaldy. Kóbisi alkogoldi ishimdikterdi ishken úshin bes adam ustaldy. Arasynda esirtki zattaryn qoldanǵan er adam da boldy. Bul jumystar kúsheıtilgen kúıde qaladaǵy tórt jaǵajaıdyń barlyǵynda jalǵasyn tabady, – deıdi polısııa batalonynyń komandıri Ermek Shýkanov.
Atty polıseılermen 2019 jyly alkogoldik ishimdikter ishý boıynsha 25 hattama, belgilenbegen jerlerde sýǵa túskeni úshin 80-ge jýyq adamǵa ákimshilik hattama toltyrylǵan.