Mańǵystaý polısııasy 1 maýsymnan bastap armıan nómirlerimen kólikterdi ýaqytsha tirkeýdi bastady, – dep habarlaıdy Polisia.kz.
Armenııadan tek 2020 jyldyń 1 aqpanyna deıin ákelingen avtomobılder ǵana ýaqytsha tirkeýden óte alady.
Mańǵystaý oblysy PD Ákimshilik Polısııa basqarmasynda túsindirilgendeı, avtokólik ıelerine 11 946 teńgeni quraıtyn úsh ǵana tólem jasaý kerek. Bul tirkeý jarnasy – 695 teńge, tirkeý kýáligi úshin tólem – 3 473 teńge, nómir úshin tólem – 7 778 teńge.
Sonymen, kólik quraldaryn tirkeý úshin mynalardy usyný qajet:
– jeke basyn kýálandyratyn qujat; 0,25 AEK mólsherinde memlekettik bajdy jáne memlekettik bajdy tólegeni týraly túbirtekter;
– kólik quraly (KQ) jáne memlekettik tirkeý nómirlik belgisin (MTNB) tirkeý týraly armıan kýáligi;
– basqarý quralyn ońnan solǵa aýystyrylǵan jaǵdaıda avtomobıldiń qaýipsizdik sertıfıkaty (SBKTS).
Memlekettik nemese orys tilderinen basqa tilde jasalǵan qujattar aýdarylyp, notarıýstyń nemese osyndaı áreketterdi jasaýǵa ýákilettik berilgen basqa adamnyń qolymen kýálandyrylýy kerek.
B árpi bar 18-aımaqtyń sary nómirleri armıan avtomobılderine beriledi. Qujatta ýaqytsha tirkelgen kólikke tirkeý kýáligin bergen kezde, «Arnaıy tańbalar» bóliminde «bul basqa adamǵa tirkeýge jatpaıdy» dep jazylady.
Tańerteńnen bastap avtokólik ıeleri mamandyrylǵan HQKO-na kele bastady jáne sol ýaqyttan beri eki avtokólik rásimdeldi.