«Bilim. Ǵylym. Baýyrlastyq». Osyndaı ataýmen 2 maýsym kúni túrki tildes elderi joǵary oqý oryndary ónerpazdarynyń konserti ótedi, dep habarlady Qazaq ulttyq qyzdar pedagogıkalyq ýnıversıtetiniń baspasóz qyzmeti.
Maqsat – túbi bir týysqan memleketterdiń bilim, ǵylym jáne mádenı yntymaqtastyǵynyń damýyn arttyrý, talantty jastarǵa qoldaý kórsetý.
Onlaın formatta uıymdastyrylatyn sharaǵa Qazaq ulttyq qyzdar pedagogıkalyq ýnıversıteti, Túrkııanyń Nıgde О́mer Halısdemır ýnıversıteti jáne Qyrǵyz Respýblıkasynyń Júsip Balasaǵun atyndaǵy Qyrǵyz memlekettik ýnıversıtetiniń óner ujymdary qatyspaq.
Sonymen qatar konsert barysynda atalǵan joǵary oqý ornynyń ókilderi ózara áriptestik baılanysty damytý oraıynda atqarylyp jatqan jumystar tóńiregindegi aqparattarymen bólispek.
Aıta keteıik, onlaın konsert Qyzdar ýnıversıtetiniń YouTube jelisindegi resmı arnasynda tikeleı efırde ótedi.
ALMATY