Mádenıet jáne sport mınıstrligi Til saıasaty komıteti men Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy 5-maýsymda saǵat 15.00-de termincom.kz saıtynyń youtube kanalynda «Termınologııalyq sózdikter jasaýdyń otandyq jáne halyqaralyq tájirıbesi» taqyrybynda onlaın-konferensııa ótkizedi, dep habarlady mınıstrliktiń baspasóz qyzmeti.
Qazaq tiliniń ǵylym salasyndaǵy qoldanysyn nyǵaıtýda sapaly termınologııalyq sózdikterdiń alatyn orny erekshe.
Sol sebepti termınologııalyq sózdikter jasaýǵa, olardy jasaýdyń ədistemesin jetildirýge asa mən bergen jón. Atalǵan is-shara termınologııalyq sózdikter jasaýdyń otandyq jáne halyqaralyq tájirıbesin taldaýǵa, sonyń negizinde termınologııa sózdik jasaýdyń negizgi talaptaryn anyqtaýǵa baǵyttalǵan.
Onlaın-konferensııada fılologııa ǵylymdarynyń doktory, professor Sherýbaı Qurmanbaıuly, Q.Jubanov atyndaǵy Aqtóbe óńirlik memlekettik ýnıversıtetiniń professory, fılologııa ǵylymdarynyń doktory Sábıra Isaqova termınologııalyq sózdik jasaýdyń otandyq jáne halyqaralyq tájirıbesine toqtalatyn bolady.