Astana qalasy Bilim basqarmasynyń bastamasymen 2021 jyldan beri júzege asyp kele jatqan «Smartfonsyz mektep» jobasy elordadaǵy bilim berý keńistiginde naqty nátıjesi kórsetip otyr. Bes jyl ishinde jobaǵa qosylǵan mektepter sany artty, eń bastysy, sabaq kezinde uıaly telefon qoldanbaıtyn oqýshylar qatary kóbeıe tústi, dep jazady Egemen.kz.
Joba ásirese joǵary synyp oqýshylarynyń kózqarasyn ózgertti. Olar smartfonnyń oqý úderisine kedergi keltiretinin túsinip, mektep qabyrǵasynda gadjetsiz júrýge birtindep daǵdylanyp keledi. Bul úrdis tártip pen ózin-ózi baqylaý mádenıetiniń qalyptasýyna da yqpal etip otyr.
Sonyń biri – №82 «Daryn» mamandandyrylǵan lıseıi. Lıseı dırektorynyń tárbıe isi jónindegi orynbasary Lázzat Tájdenqyzynyń aıtýynsha, joba engizilgeli beri oqýshylardyń kúndelikti ádeti aıtarlyqtaı ózgergen.
«Buryn úzilis kezinde oqýshylardyń basym bóligi telefonǵa úńilip otyratyn. Qazir olardyń qolynan kitap jıi kórinedi. Oqýshylarymyz gadjetten alystaǵaly beri bilim sapasynda da oń ózgerister baıqala bastady. Balalar bir-birimen kóbirek sóılesedi, sabaqqa zeıini artty», deıdi ol.
8 mınýttyq oqý
Joba aıasynda kóptegen mektepte ortaq tártip engizilgen. Oqýshylar sabaq bastalar aldynda uıaly telefondaryn arnaıy uıashyqtarǵa nemese saqtaý oryndaryna tapsyrady. Sabaq aıaqtalǵan soń ǵana qurylǵylaryn qaıta alady. Bul tásil balalardyń nazaryn tolyqtaı oqýǵa aýdarýǵa múmkindik berip otyr.
Ilon Mask: 5 jyldan keıin smartfon paıdalanbaımyz
Qazirgi tańda Astana mektepteriniń barlyǵynda derlik «Smartfonsyz mektep» jobasy iske asqan. Resmı málimetke sáıkes, qala mektepteriniń shamamen 40 paıyzynda oqýshylar sabaq kezinde telefon qoldanýdan sanaly túrde bas tartqan. Mamandar bul kórsetkish aldaǵy ýaqytta taǵy da ósedi dep otyr.
«Tyıym salý jetkiliksiz»: Ashat Aımaǵambetov oqýshylardyń mektepte smartfon qoldanýyna qatysty pikir bildirdi
Osylaısha, «Smartfonsyz mektep» bastamasy zamanaýı bilim berý júıesinde tárbıe men tártipti ushtastyryp, oqýshynyń zeıini men bilim sapasyn arttyrýǵa baǵyttalǵan mańyzdy qadamǵa aınalyp keledi.