Konstıtýsııalyq reforma jónindegi komıssııanyń 12-shi otyrysynda «Aýyl» partııasynyń tóraǵasy Serik Egizbaev qoǵamnan kelip túsken san myńdaǵan usynys-pikirler negizinde ázirlengen jańa Konstıtýsııa jobasyna qatysty kózqarasyn bildirdi, dep jazady Egemen.kz.
Serik Egizbaev bul qujattyń eldegi ózekti qoǵamdyq suranystarǵa tolyq jaýap beretinin, azamattardyń talap-tilegi eskerilgenin aıtty.
«Talqylaý barysynda qoǵamnan kelip túsken myńdaǵan usynys eskerilgen, elimizdiń bolashaqtaǵy damý barysyn, azamat pen memlekettiń ózara qarym-qatynasynyń jańa modelin, memlekettik basqarýdyń baǵyt-baǵdaryn aıqyndaıtyn jańa Konstıtýsııamyzdy halyqtyń sheshimine usynǵaly otyrmyz», dedi ol.
«Aýyl» partııasynyń jastary Konstıtýsııalyq reformany qoldaıdy
Onyń sózinshe, qujattyń negizinde adam jáne adamı qundylyqtar, bılik tarmaqtarynyń teńgerimi, zań ústemdigi men áleýmettik ádilettilik qaǵıdattary jatyr.
Munymen qosa, spıker «Aýyl» partııasynyń tarapynan respýblıka óńirlerinde Konstıtýsııa jobasyn túsindirý boıynsha keń aýqymdy jumystardyń júrgizilgenin jetkizdi.
«Qaraǵandy, Qyzylorda, Soltústik Qazaqstan, Qostanaı, Kókshetaý, Shymkent jáne ózge de óńirlerde halyqpen kezdesýler uıymdastyrylyp, eldiń pikiri tolyq eskerildi», dedi «Aýyl» partııasynyń tóraǵasy.
Konstıtýsııalyq reforma jastarǵa qandaı múmkindikter usynady?
Onyń aıtýynsha, aýyl turǵyndary usynylyp otyrǵan ózgeristerdi qur zańnamalyq túzetýler retinde emes, ózderiniń turmys-tirshiligine naqty yqpal etetin ómirlik mańyzy bar qadamdar dep qabyldap jatyr. Kezdesýler barysynda azamattar bul bastamanyń taǵdyryn halyqtyń ózi aıqyndaýy qajet degen ortaq ustanym bildirip, qujatty jalpyhalyqtyq sheshim arqyly bekitýdiń mańyzy erekshe ekenin atap ótken.
«Osy oraıda kezdesýlerde barlyq azamat bir aýyzdan bul qujatty halyqtyń sheshimimen bekitetin ýaqyt jetkenin jıi aıtty. Sondyqtan, Konstıtýsııa jobasyn jalpyulttyq referendýmǵa shyǵarýdy usynamyn. Otandastyrymyzdy jańa Konstıtýsııamyzdy qoldaýǵa shaqyramyn», dedi Serik Egizbaev.
Aıda Balaeva: Konstıtýsııalyq reformalar qoǵamdy jan-jaqty jańǵyrtýdyń berik negizin qalyptastyrady