Kentaý qalasynyń turǵyny sıyrlary men buqalaryn satpaq bolady. Osy kezde tanysy kelip, kómektesýge ýáde ete 160 bastan astam iri qara malyn alyp ketken. Bul 2017 jyly bolǵan oqıǵa. Sodan beri kúdikti er adam Kentaý qalasynyń turǵynyna aqshasyn da, malyn da qaıtarmaǵan.
Kentaý qalalyq polısııa bólimine aldanǵanyn aıtyp aryzdanǵan jábirlenýshige keltirilgen shyǵynnyń jalpy kólemi 45 mıllıon teńgeden asty. Kúdiktini anyqtaý maqsatynda, Kentaý qalalyq PB-niń qyzmetkerleri qajetti izdestirý sharalarynyń keshenin jasap, tıisti jumystardy atqarǵan. Nátıjesinde jedel-izdestirý is-sharasy barysynda tártip saqshylary kúdiktini ustady. Ol jergilikti turǵyn bolyp shyqty jáne óz kinásin tolyq moıyndaǵan. Anyqtalǵandaı, er adam jábirlenýshiniń senimine kirip, alaıaqtyq jasap, onyń malyn alyp ketip satqan, al aqshany óz qajettiligine jumsaǵan. Atalǵan jaıt QR Qylmystyq kodeksiniń 190-baby (alaıaqtyq) boıynsha sotqa deıingi tergep-tekserýdiń biryńǵaı tizilimine tirkeldi. Tergeý amaldary júrgizilýde, al kúdikti qamaýǵa alynǵan.
Osy oraıda Túrkistan oblysynyń polıseıleri turǵyndarǵa qyraǵy bolýǵa jáne beıtanys adamdarǵa artyq senimsizdik kórsetpeýge keńes beredi. Sondaı-aq, kúmándi qyzmetterdi usynatyn túrli alaıaqtarǵa óz múlkin senip tapsyrýdyń qajeti joq ekenin eskertedi.
Túrkistan oblysy