M.Qozybaev atyndaǵy Soltústik Qazaqstan ýnıversıteti – oblystyq polısııa vedomstvosy úshin kadrlardyń senimdi ordasy bolyp otyr. О́tken jyly SQO polısııasy qataryna 80 jas qyzmetker kelse, sonyń 21-i osy ýnıversıtetten edi. Al bıyl polısııada qyzmet etýge SQÝ oqytýshylary júrgizgen saýalnamalarǵa qaraǵanda otyzǵa jýyq stýdent kelmekshi.
Byltyr polısııaǵa kelgen túlekterdiń biri – Albına Qypshaqbaeva. Ol Petropavl qalasynyń PB ákimshilik tájirıbe tobynyń ınspektory qyzmetinde istep, 2019 jyldyń aıaǵynda leıtenant ataǵyn aldy.
«Jeke men ishki ister organyna kelýge úgitteýge qajettilik bolǵan joq, men bala kezimde-aq ne medısına qyzmetkeri, ne polıseı formasyn kıemin dep sheship qoıǵanmyn. Degenmen tártip saqshylarymen júrgizilgen kásiptik baǵdarlaý kezdesýleriniń paıdasy mol boldy. Zań mamandyǵyn alyp jatqan bizder úshin PD mýzeıine, nysandarǵa ekskýrsııalar uıymdastyryp, alǵashqy daıarlyqqa oqýǵa túsý tártibin túsindirdi. Osynyń barlyǵy qyzmette meni ne kútip turǵanyn túsinip, sezinýge septigin tıgizdi», - deıdi ol.
SQÝ-da «Zańger» klýby qurylǵan. Bul jerde bolashaq zańgerlermen tergeý basqarmasynyń, esirtki qylmysyna qarsy is-qımyl basqarmasynyń, basqa da bólinisterdiń qyzmetkerleri jumys júrgizedi. Kezdesýler semınar ne praktıkalyq sabaq túrinde ótedi. Tergeýshiler men anyqtaýshylardyń prosestik qyzmetine sholý, quqyqtyq sanany qalyptastyrýdaǵy dinniń róli jáne osy sııaqty taǵy basqa taqyryptar - quqyqtyq bilimniń negizin qalaıdy.
«О́tken jyly JOO men SQO PD arasynda yntymaqtastyq týraly memorandýmǵa qol qoıyldy, sonyń arqasynda stýdenttermen kásiptik baǵdarlaý týraly áńgimelesýden bastap túlekterdiń ishki ister organdaryna jumysqa ornalasýy boıynsha ózara is-qımyl jasaýdyń tetigi bekitildi, - deıdi PD bastyǵynyń orynbasary, polısııa polkovnıgi Qapez Dáýletbaev.
QYZYLJAR