Ulttyq mýzeıde Jeńistiń 75 jyldyǵyna oraı «Jeńis jańǵyryǵy» atty joba qolǵa alynǵan bolatyn. Qashyqtan ótkiziletin aksııa aıasynda qan maıdannan oralmaǵan qanshama bozdaqtyń hattary men soǵys qımyldaryn beıneleıtin fotosýretter tabylyp, Ulttyq mýzeı qoryna 11 hat, 69 fotosýret pen 95 qujat kelip túsken.
Ekinshi dúnıejúzilik soǵys týraly estelik-shejireni tolyqtyratyn soldat hattary surapyl sum soǵystyń aýyr tynysyn sezdiredi. Sarǵaıǵan saǵynyshqa toly jazbalarda soǵys týraly áńgime men óleńder, fotosýretter kórinis taýyp, jaqynynyń janyna jylylyq uıalatatyn jyly sózder jazylǵan, eń bastysy, syndarly sátte ot pen oqtan taısalmaǵan qaısar jandar ómirden eshqashan úmitin úzbegen. Sonyń biri – qan maıdanda habarsyz ketken Iýsýp Hakımovtyń súıiktisine joldaǵan úshbý haty edi.