Maqtaaraldyq oqýshylar oljaly boldy

Túrkistan oblysyndaǵy Maq­ta­aral aýdanynyń 6 mek­te­biniń balalary «Aıala» qaıyrymdylyq qory­­­nyń prezıdenti Aıdan Súleı­­menovanyń jalpy 15 mln teńge soma qarajatyna kıim, aıaq kıim jáne keńse taýar­lary salynǵan rıýk­zak­­­tardy tartý retinde al­dy.

«Biz Qapshaǵaıǵa Maq­taaral aýdanynan bala­lar­dyń kelgeni jáne olarǵa kıim kerek ekeni týraly málimetti Túrkistan obly­sy­nyń ákimdiginen aldyq. Budan keıin Qapshaǵaı qalasyndaǵy «Baldáýren» ROSO basshylyǵyna habarlasyp, naqty ne satyp alý kerektigin bildik. Sóıtip, ár balanyń jasyn, boıyn jáne ólshemin eskere otyryp, 251 jınaqtama jasadyq. Buǵan qosymsha mektepte oqýǵa qajetti zattyń barlyǵy salynǵan jaqsy rıýkzaktar syılaýǵa sheshim qabyldadyq. Al úılerine qaıtar aldynda balalardyń kóńilin kóterý úshin ózderi jaqsy biletin JOKEASSES koman­da­synyń vaınerlerin kez­desýge alyp keldik. De­ma­lys­tyń osylaı aıaqtalýy olarǵa jaqsy kóńil-kúı syılap, búkil jazǵa qýat berdi dep úmittenemiz», deıdi «Aıala» qorynyń prezıdenti Aıdan Súleı­me­nova. 

Maqtaaral aýdanynyń oqýshylary «Baldáýren» oqý-saýyqtyrý ortaly­ǵyn­da eki apta boldy. Olar jaıly jabdyqtalǵan ból­m­­elerde turdy, 5 ýaqyt tamaqpen qamtamasyz etil­di, saýyqtyrý sharalaryn aldy, ashyq basseınde sho­mylyp, shyǵyrshyqty jáne ózi syrǵanaıtyn qu­ryl­ǵylarmen syrǵanap ser­gidi. Sport seksııalaryn­da tennıs, sadaqpen atý, fıtnespen aınalysty. Or­talyq qyzmetkerleri ba­lalar úshin qyzyqty vıktorınalar, estafetalar uıymdastyrdy. Eń bas­tysy, árbir bala psı­ho­logııalyq turǵydan ońal­dy. Bilim jáne ǵylym mı­nıs­trligi bekitken arnaıy jospar boıynsha bilikti pedagog-psıhologtar olarmen jumys iste­di. Sonymen qatar «Bal­dáý­ren» ortalyǵynda olar TJB qashyqtan tapsyryp, oqý jylyn sátti aıaqtady.

«2020 jylǵy 18 mamyrdan beri bizde Túrkistan oblysy Maqtaaral aýda­ny­nyń balalary demaldy. Bul shyǵarmashylyq ba­ǵyt­taǵy aýysym, son­dyq­tan balalardyń shyǵar­ma­shy­lyq áleýetin damytýǵa úlken kóńil bólindi, olar sahna ónerin úırendi, konkýrstar men fleshmobtar ótkizedi. Qashan da álemdi jaqsylyq jáne izgi ister bıleıdi. Balalardy kıimmen jáne mek­tepke kerek-ja­raq­­ta­­rmen qam­tamasyz etý úshin qara­jat bólgen «Aıala» qaıyrymdylyq qory sekildi qamqor adam­dardyń bar ekeni qýan­ta­dy», deıdi Qapshaǵaı qala­syndaǵy «Baldáýren» Res­pýblıkalyq oqý-saýyq­ty­rý ortalyǵynyń dırektory Renat Kulmaǵambetov.

ALMATY