Asyl tuqymdy maldan alar ónimiń qomaqty. Sondyqtan, jergilikti malsaq qaýym asyl tuqymdy qara maldyń basyn óz tóli esebinen kóbeıtýge yntaly bolyp otyr. Osydan segiz jyl buryn 130 bas iri qara alǵan «Jýravlevka-1» seriktestigi búginde mal basyn úsh myńǵa jetkizgen.
Qazaqtyń aqbas sıyry. Arqanyń aýa raıyna ábden tóselgen. О́simi de kóńil toǵaıtarlyq. Bıyl ortasha eseppen 100 sıyrdan 95 tól alynypty. Bul jaqsy kórsetkish. 14 aılyq ógizshelerdiń salmaǵy 450-500 kelige deıin jetedi. Kúnine shamamen bir jarym kelige deıin salmaq qosady.
– Biz úshin aqbas sıyrlardy ósirý tıimdi. О́ıtkeni, ólkeniń klımattyq jaǵdaıyna tóselgen. Ekinshiden, osy jerdiń jem-shóbi de olardyń talǵamyna sáıkes keledi. О́tken jyly asyl tuqymdy mal kórmesine qatystyq. 634 keli taratyn 18 aılyq buqa bas báıgeni jeńip aldy. 3 jarym mıllıon teńge turatyn salmaq ólsheıtin tarazyny syıǵa tartty,–deıdi seriktestik dırektorynyń orynbasary Tımýr Andarov.
Bıyl ylǵal mol. Sondyqtan jaıylymdaǵy shóp te qalyń ári qunarly. Sondyqtan qystyq qoraǵa qońdy, jaıasy dóńgelengen mal kirmek. Aıtpaqshy seriktestikte 2 myń gektardan astam jaıylymdyq jer bar. Qystyq 5 myń tonna shóp daıyndalady.
– Jalpy qazirgi kúni 3 myń bas mal bar. Onyń teń jartysy asyl tuqymdy. Suranys joǵary. Jaqynda ǵana Kókshetaýdyń jigitteri 150 bas tana satyp aldy. Sonymen birge 120 bas buqa sattyq. Negizi maldy baptap-baqsań ósimi bolady,–deıdi Tımýr Andarov.
Búgingi tańda berekesi mol ata kásipti damytýǵa erekshe den qoıylýda. О́ńirlik baǵdarlamalar da júzege asyp jatyr. Iаǵnı, múmkindiktiń bári qarastyrylǵan. Qazir aýdan boıynsha 60 myń basqa jýyq qara mal bar. Sońǵy jyldary qus sharýashylyǵyn damytý da qolǵa alynýda.
Bulandy aýdany,
Aqmola oblysy.