Qazaqstan Respýblıkasynyń Memlekettik rámizderi kúnine oraı «Zor Rýh» qaıyrymdylyq qory Almaty qalasynyń ákimdigimen birlese otyryp, «Otbasy ınstıtýty» jobasy aıasynda jastar men balalar arasynda onlaın is-sharalar ótkizdi.
Mysaly, álemniń túrli elderiniń týlary men memlekettik rámizderi týraly bilim deńgeıin anyqtaý úshin onlaın-vıktorına uıymdastyryldy. Sonymen qatar balalar men jastar arasynda «Rámizder – meniń maqtanyshym» taqyrybynda sýret baıqaýy ótti.
Vıktorınaǵa 283 qazaqstandyq qatysty. Qatysýshylar onlaın rejımde elimizdiń Memlekettik rámizderi týraly 7 suraqqa jaýap berip, 10 týdyń qaı elderge jatatynyn tabý kerek edi. Oıyn sońynda qatysýshylar upaılar sany men suraqtardyń durys jaýaptaryn kóre aldy. Qatysýshylardyń pikirinshe, vıktorına óte tanymdyq jáne qyzyqty ótti: «Suraqtar úshin rahmet! Jalpy damý úshin, este saqtaý úshin paıdaly boldy», «Rahmet! О́te qyzyqty boldy», «Osyndaı testter kóp bolsyn!».
Testileý nátıjesi boıynsha ortasha ball 82 paıyzdy qurdy, bul kórsetkish jastardyń Memlekettik rámizderi týraly joǵary bilim deńgeıin kórsetti. Alaıda, qatysýshylardyń kópshiligi eltańbanyń tómengi bóliginde ornalasqan jáne ortasynda Qazaqstan sózi bar kıiz úıdiń elementi qalaı atalatynyn bilmegen. Bul suraqqa durys jaýap tek 31% berdi. Vıktorınanyń barlyq 17 suraqqa 47 qatysýshylar durys jaýap bere otyryp, eń joǵary ball jınady.
Sýret saıysyna 80 talantty bala men jasóspirimder qatysty. Qatysýshylar óz sýretterinde Otanǵa degen súıispenshiligine jáne shyǵarmashylyq qııalyna súıene otyryp, «Rámizder – meniń maqtanyshym» taqyrybyn ashyp kórsetý kerek boldy. Ata-analardyń kópshiligi osy baıqaý karantın kezindegi tanymdyq oıyn-saýyq retinde balalarǵa óte paıdaly bolǵanyn atap ótti: «Alaqaı! Osyndaı saıys úshin raqmet! Balalar sýretterin úlken qyzyǵýshylyqpen saldy», «О́te jaqsy taqyryp, balalarǵa arnalǵan osyndaı is-sharalar kóp bolsyn», «Qyzyqty saıys úshin alǵys aıtamyz!», «Balalardyń ishi pysqan edi, konkýrsqa qatysyp ınternetten bastaryn kóterdi, sizge rahmet».
Baıqaý jeńimpazdaryna balalarǵa arnalǵan mektep jıyntyqtary, al jastarǵa paıdaly gadjetter beriledi.
ALMATY