Qyrǵyz tarapynyń bastamasy boıynsha Qazaqstan Respýblıkasynyń Syrtqy ister mınıstri Muhtar Tileýberdi Qyrǵyzstan Respýblıkasynyń Syrtqy ister mınıstri Chıngız Aıdarbekovpen telefon arqyly sóılesti, - dep habarlaıdy Egemen.kz.
Áńgime barysynda ekijaqty qarym-qatynastardyń ózekti máseleleri talqylandy. Shekaralyq yntymaqtastyqty damytý perspektıvalaryna, onyń ishinde eki eldiń memlekettik shekarasy arqyly júk avtokóliginen ótý máselelerine erekshe nazar aýdaryldy.Taraptar ózara qurmet, dostyq jáne tatý kórshilik rýhynda kópjosparly saıası, saýda-ekonomıkalyq jáne mádenı-gýmanıtarlyq yntymaqtastyqty odan ári damytýǵa Nur-Sultan men Bishkektiń ekijaqty umtylysyn qýattady.