Munyń aldyndaǵy jyldarda Aqtóbe qalasynda jergilikti atqarýshy bılik ókilderi tarapynan: Bıylǵy kóktemde pálenbaı myń túp tal egildi degen syńaıdaǵy baıaǵy keńestik kezeńdegi sekildi lepirme sózder men urandar jıi estiletin. Áıtse de keıin sol aǵashtardyń jáı-kúıi qandaı bolǵandyǵy jónindegi aqparattar múldem aıtylmaıtyn. Balapandy kúzde sanaıtyny sekildi otyrǵyzylǵan kóshetterdiń sany qýrap qalmaı, boı jazyp ósken aǵashtardyń sanymen ólshense, áldeqaıda ádiletti bolar ma edi?
Bul qorǵaq sózder tek kóz aldaý, ýaqytsha upaı, arzan bedel jınaý úshin ǵana aıtylatyny belgili bolyp otyr. Mundaı tujyrym jasaýymyzǵa Aqtóbe oblysy boıynsha tekserý komıssııasy júrgizgen aýdıttik tekserýler barysy basty negiz qalaı alady.
Atap aıtqanda bul jóninde anyqtalǵan naqty derekterge súıensek, ótken jyly Aqtóbe qalasynda otyrǵyzylǵan myń kóshettiń toqsan paıyzy kókteı solyp qýrap qalǵan eken. О́z kezeginde bul isti atqarýǵa jergilikti bıýdjetten 71,4 mıllıon teńge bólingenin eskersek, tabany kúrekteı osy qomaqty qarajattyń basym bóligi jelge ushyp ketti deýge ábden bolady.