Túrkistan oblystyq Jastar resýrstyq ortalyǵy Dúnıejúzilik qorshaǵan ortany qorǵaý kúnine oraı ereksheleý is-shara uıymdastyrdy. Ereksheligi, bizdińshe, ploggıng degen ataýynda.
Oblys ortalyǵynda «Jastar taza Túrkistan úshin!» taqyrybynda ótken aımaqtyq alǵashqy ploggıng marafonyna qatysýshylar aldymen qaladaǵy «Jeńis» saıabaǵyna jınalyp, atalmysh marafonnyń tártibimen tanysty.
Belsendi jastar toptarǵa bólinip, ózderine tıesili aýmaqtardy júgirip ótý arqyly qoqys jınaýdan jarysqa qatysty. Ploggıng – qashanda qorshaǵan ortany qorǵaý úderisterimen baılanysta bolý degendi bildiredi, ıaǵnı álemdik tájirıbede jastar arasynda tanymal shara.
Bıyl óńirde alǵash ret ótken ploggıng marafonyna qaladan 40-qa jýyq erikti men jastar qatysty. Bir saǵatta «Jeńis» saıabaǵynan salmaǵy 300 keliden 4 qap qoqys jınaldy. Oblystyq jastar ortalyǵynyń basshysy A. О́mirtaıdyń málimdeýinshe, marafon turaqty túrde uıymdastyrylyp, oblys kóleminde jalǵasyn tabatyn bolady.
Túrkistan oblysy