Ekpe aýrýdyń aldyn alady

Onyń aıtýynsha, qoldaǵy mal aýrý bolsa, onyń derti adam­darǵa juqpaı qoımaıdy. Son­dyqtan qoldaǵy barlyq jan­ýarlardyń densaýlyǵyn tekserip, emdetip, aýrýlarǵa qarsy em-dom qoldanýdyń ar­ty­ǵy joq. Ásirese soltústik óńir sııaqty maldy kóp ósiretin agrarly eldiń halqy maldan juǵatyn dertterge kóp ushyraıdy. Tipti dert maldan ǵana emes, ıt pen mysyqtan, qustan da juǵýy múmkin.

Veterınarlyq sharalar degenimiz – adamdar men maldyń densaýlyǵyn saqtaý úshin jasalatyn sharalar kesheni. Ony biz kóktemdik jáne kúzdik dep eki kezeńge bólip jasaımyz. Kóktemdik sharalar naýryz ben maýsym aralyǵynda, al kúzdik sharalar qyrkúıekten qarasha aıyna deıin jasalady. Osy sharalardyń barysynda malǵa ekpe egýmen qatar týberkýlez, brýsellez jáne leıkoz sııaqty dertterdiń bar-joǵyn anyqtaý úshin qan alamyz, dedi maman.

Bul úshin epızootıkalyq monıtorıng derekteriniń ne­gizinde veterınarlyq shara­lar­dyń jospary jasalady. Onyń barysynda maldyń sany, preparattardyń qoldanylýy sııaqty tolyp jatqan derekterge mán beriledi. Tekseris mal­dyń kimniń menshiginde eke­ni­ne qaramaı jappaı jasalady.

Soltústik Qazaqstan oblysynda osy jumystardy atqa­ra­tyn mal dárigerleriniń sany – 292 adam. Bıyl veterınarlyq sharalar qystyń jylymyq bolýyna baılanysty aqpan aıynan bastaldy. Sonyń ishinde sý basýy múmkin aımaqtarǵa al­dymen júrgizilgen. Eger mal­dyń aýrý ekeni anyqtalsa, ondaı maldy 15 kúnniń ishinde joıý mindetteledi.

– Búgingi tańda 2020 jylǵa belgilengen jospardaǵy ju­mys­tardyń 95 paıyzy oryndaldy. Tekseris barysynda oblys boıynsha 312 qara mal­dan, 1 qoıdan brýsellez, 3 sıyrdan týberkýlez anyq­tal­dy. Degenmen, bıyl osyndaı dertter byltyrǵymen salys­tyr­ǵanda azaıdy. Bul vaksınany ýaqytynda salyp, em-dom jumystarynyń der kezinde júrgizilgeniniń nátıjesi, – dedi Berik Áljanov.

Qazir oblys boıynsha vete­rı­narlyq sharalardy ót­ki­zýge qolbaılaý bolatyn esh­qan­daı kedergi joq. Dıag­nos­tıkalyq ortalyqtar qa­lyp­ty ju­mys isteýde, veterı­nar­­lyq pre­pa­rat­tardyń tap­shy­­lyǵy eń­serilgen. Biraq keı­bi­riniń sapasy tómen bolyp kele­tini ras. Sonymen birge pre­parattardy saqtaıtyn oryndar qajetti quraldarmen qamta­masyz etil­gen.

Pan­demııanyń lańy vete­rı­narlyq jumystardy júr­gizýge de kedergi bolǵan. Mal dá­ri­gerleriniń júris-tury­sy­na shekteý qoıylǵan. Keıbir mal ıeleri de koronavırýs­ty syltaýratyp mamandardy qo­ra­laryna kirgizbeýge tyrys­ty. Olardyń bárine jergilikti ákim­dik qyzmetkerlerimen bir­lese otyryp, túsindirý ju­mystary júrgizildi. Al vete­rınarlyq qyzmetkerler qa­jet­ti qaýipsizdik sharalaryn saqtap, ózderimen birge min­det­ti túrde betperde, antısep­tık, qolǵap, arnaýly kıim alyp júr­di.

Soltústik Qazaqstan oblysy