Shaısultan Shaıahmetov atyndaǵy "Til-Qazyna" ulttyq ǵylymı-praktıkalyq ortalyǵy otansúıgishtik pen ulttyq tárbıe berýge baǵyttap, jasóspirimder arasynda uıymdastyrǵan "Balalar júrekpen ún qatady" atty baıqaý-chellendj odan ári jalǵasýda.
Bul chellendjge 7-12 jas aralyǵyndaǵy jasóspirimder qatysady. Oqylatyn shyǵarma eki shýmaqtan, on eki joldan aspaýy tıis.
Úmitker 4 maýsymnan bastap 12 maýsym (qosa eseptegende) aralyǵynda áleýmettik jelidegi óz paraqshasynda memlekettik tildiń mártebesi, ana tilimizdiń qýatyn beıneleıtin óleń nemese osy taqyrypta óz týyndysyn mánerlep oqyp ony beınebaıan túrinde jarııalap #tilqazyna, #tilulttynqazynasy dep tegteıdi.
Qazylar alqasy baǵalaý kezinde shyǵarmany oqý máneri, taqyryptyń ashylýy, tóltýyndy bolsa onyń kórkemdik mazmuny jáne kim óz oqyrmandarynan kóp unamdy belgi alǵany da eskeriledi. Túrli tehnıkalyq tásildermen kórkemdep, qosymsha mýzykamen árleýge bolady.